《事實證明，一個人無品，去到邊都係無品》
有時候唔係特別想針對某個國家既人，但近人不斷聽到甚至親眼見到佢地嘅行為，真係覺得不吐不快。
前幾日睇到朋友查花嘅IG story，見佢係布拉格連儂場上面寫左一d為香港打氣嘅字句，點知佢個頭寫完，就有某國人走黎畫花佢寫嘅野，當查花同佢理論時，仲俾佢鬧同恐嚇，我淨係睇story已經勁嬲。估唔到尋日我喺烏克蘭行完博物館，走之前諗住寫下sign book，又再一次見證到佢地嘅無教養行為。
好老實，每個人有自己嘅政見同諗法我接受，但我實在無法接受呢種打壓他人意見，要每個人都同意自己嘅行為。你有意見想發表，你可以寫出來，甚至寫在旁邊，但點解要刪咗人地寫嘅野，強行改變人地嘅諗法？這是很低劣的行為。
又見近日世界各地都有支持香港的集會，亦被某國人集體破壞及叫囂，就連外國警察見到都忍唔住笑，呢班在外國呼吸住自由空氣嘅人，到底知唔知個醜字點寫？
連尊重別人都唔識，試問點樣叫其他人尊重你地呀？
#有錢唔係大晒
Search